Ўзбекистон Республикаси Президентлигига номзод Шавкат Мирзиёев андижонлик сайловчилар билан учрашувда Андижонда 2030 йилга қадар 3 мингта кўп қаватли уй барпо этилиб, 100 минг оила янги уй-жойли бўлишини айтди.
Бу мақсадлар учун, келгуси етти йилда 30 триллион сўм йўналтирилади.
Андижон, Хонобод ва Қорасув шаҳарлари, Қўрғонтепа, Жалақудуқ, Андижон, Асака ва Олтинкўл туманларидаги 510 минг аҳолининг сув таъминотини яхшилаш учун, “Хонобод-Андижон” магистрал сув қувурининг иккинчи тармоғи қурилади. Бунга 35 миллион доллар инвестисия жалб қилинади.
“Умуман, вилоятда марказлашган ичимлик суви қамровини ҳозирги 87 фоиздан 97 фоизга етказамиз”, – деди номзод.
Изоҳ (0)