Ишғол остидаги Шарқий Қуддусда камида 970 нафар фаластинлик Исроил судларига берилган даъволар туфайли мажбуран кўчирилиш таҳдиди остида. Бу ҳақда БМТ матбуот котиби Стефан Дюжаррикка таяниб, Anadolu хабар берди.
Дюжаррик БМТнинг босиб олинган Фаластин ҳудудлари бўйича гуманитар ёрдам координатори Лин Хастингс яқинда 1954 йилдан бери яшаб келаётган уйларидан мажбуран кўчирилиши кутилаётган икки фаластинликни бориб кўрганини айтди.
Хастингс “Шарқий Қуддусда камида 970 нафар фаластинлик, жумладан, 424 нафар бола мажбуран кўчирилиш хавфи остида”лигини таъкидлаган.
БМТ координатори халқаро ҳуқуқ нормаларига зид бўлган бу амалиётни тўхтатишга чақирмоқда. Ташкилотнинг мустақил экспертлари узоқ вақтдан бери халқаро ҳамжамиятни Исроилнинг Шарқий Қуддусда қўллаётган “мажбурий кўчириш” амалиётига чек қўйиш учун шошилинч чоралар кўришга чақириб келади.
Изоҳ (0)