Twitter пулли обуна бўлмаган фойдаланувчилар учун шахсий хабарлар юбориш сонини камайтирмоқчи

Дастурчи Алессандро Палуззи смартфонлар учун Twitter иловаси кодида қизиқ ҳолатни аниқлади.

Унинг фикрича, платформа маъмурияти Twitter Blue’га пулли обуна бўлмаган фойдаланувчиларга ноқулайлик туғдирувчи янги чекловни жорий этмоқчи. 

Чеклов Twitter’даги шахсий хабарлар учун амал қилади. Ҳозирда пулли обунага эга бўлмаган фойдаланувчилар кунига 500 тагача шахсий хабар юборишлари мумкин. Келажакда, Палуззи сўзларига кўра, Twitter бу чекловни 50-100 та хабаргача камайтирмоқчи.

Палуззи янги функция ҳақида хабар берувчи билдиришноманинг скриншотини олишга муваффақ бўлди. Қалқиб чиқувчи ойнада иккита жавоб варианти мавжуд: "Обуна бўлинг” (шахсий хабарларни юборишни давом эттириш учун) ва "Йўқ, раҳмат"

Twitter қачон янги чеклов жорий қилиши мумкинлиги ҳақида хабар берилмаган.