UFC 289. Чарльз Оливейра 1-раунддаёқ Дариушни нокаутга учратди, Аманда Нуньес фаолиятидаги сўнгги жангини ғалаба билан якунлади

Канаданинг Ванкувер шаҳрида Ўзбекистон вақти билан 11 июнь тонгида UFC 289 мусобақаси бўлиб ўтди.

Мусобақанинг асосий жанги аёллар ўта енгил вазн тоифаси чемпиони Аманда Нуньес (23-5) ва Ирен Алдана (14-7) ўртасида кечди. 5 раунд давом этган жангда Нуньеснинг қўли баланд келди. Мазкур жангдан кейин Нуньес фаолиятини якунлаганини маълум қилди.

Яна билан асосий жанглардан бири енгил вазн тоифаси вакиллари Чарльз Оливейра (34-9) ва Бенеил Дариуш (22-5-1) иштирокида бўлиб ўтди. Жангнинг биринчи раундида Оливейра рақибини нокаутга учратди.

Шу ва бошқа жанглар натижаси билан қуйидаги танишинг:

Асосий кард

Аманда Нуньес очколар эвазига Ирене Алданани енгди;

Чарльз Оливейра 1-раундда Бенеил Дариушни нокаут қилди;

Майк Мелотт 2-раундда сабмишен билан Адам Фюжиттни ютди;

Ден Иге очколар эвазига Нейт Ландвердан устун келди;

Марк-Андре Баррио очколар эвазига Эрик Андерсни мағлуб этди.

Прелим кард

Насурдин Имавов ва Крис Кёртис ўртасидаги жанг бошлар тўқнашуви сабаб 2-раундда тўхтатилди. Жанг ўтказилмаган деб топилди;

Жасмин Ясудавичюс очколар эвазига Миранда Маверикни ютди;

Аеманн Заҳаби 1-раундда Силен Аожини нокаут қилди;

Кайл Нелсон очколар эвазига Блейк Билдерни енгди;

Стив Эрсег очколар эвазига Давид Дворжакни мағлуб этди;

Диана Белбита очколар эвазига Мария Оливейрани ютди.