CAFA Nations Cup—2023. Қирғизистон сўнгги дақиқаларда ҳисобни очгач, Афғонистон ҳакам қароридан норози бўлиб, майдонни тарк этди (видео)

Футбол бўйича илк бор ташкил этилаётган CAFA Nations Cup—2023 турнири Қирғизистон ва Афғонистон ўртасидаги учрашув билан старт олди.

Учрашувнинг 90+5-даққиасида қирғизистонликлар футболчиси Батирканов гол урди ва жамоасига ғалаба келтирди. 

Бироқ, афғонистонликлар бош мураббийи ва футболчилар ушбу вазиятда тўп қирғиз футболчисининг қўлига тегди деб ҳисоблаб, голни инобатга олган турманистонлик ҳакамнинг қарорига норозилик сифатида майдонни тарк этди. Бош ҳакам Чоримурод Қурбонов эса афғонистонликлар майдонга қайтмагач, ҳуштакни чалди ва ўйинни якунлади. 

Шу тариқа Қирғизистон мусобақани ғалаба билан бошлади. Афғонистонликлар эса CAFA томонидан жаримага тортилиши ёки дисквалификацияга учраши мумкин. 

CAFA Nations Cup—2023

1-тур баҳси

Қирғизистон – Афғонистон 1:0

Гол: 1:0 – 90+5 Батирканов.