“Толибон” бош вазири вазифасини бажарувчи БМТ бош котибининг Афғонистондаги махсус вакили билан учрашувда айрим етакчиларининг исмларини БМТ қора рўйхатидан олиб ташлашни талаб қилди. Бу ҳақда Hasht-e Subh Daily хабар берди.
Муҳаммад Абдул Кабир 10 июнь куни тегишли талаб билан UNAMA раҳбари Роза Отунбаевага мурожаат қилди. У халқаро ҳамжамият бу борадаги мажбуриятларини бажариши кераклигини айтди.
“Толибон” Афғонистондаги халқаро ташкилотлар фаолиятига кўплаб чекловлар қўйган бўлса-да, Абдул Кабир халқаро ёрдам ташкилотларидан мамлакатдаги фаолиятини давом эттиришни сўраган.
“Халқаро ҳамжамият кутилаётган лойиҳаларни якунлаши, Жаҳон банки каби халқаро ташкилотлар эса Афғонистондаги фаолиятини давом эттириши керак”, — деган у.
Айни пайтда UNAMA раҳбари Роза Отунбаева Афғонистон халқи инсонпарварлик ёрдамига ҳар қачонгидан ҳам муҳтож эканини билдирган.
“Биз Хитой ва Ҳиндистондан афғон фермерларига ёрдам беришларини ҳам сўрадик” — деди у.
Изоҳ (0)