Афғонистоннинг Балх вилояти маркази Мозори Шариф шаҳрига чанг бўрони ёпирилди. Шаҳарда кўриш билан боғлиқ муаммолар, жумладан, транспорт ҳаракатланишида қийинчиликлар юзага келмоқда. Бу ҳақда “Дарё”нинг Афғонистондаги мухбири хабар берди.
Мозори Шариф аҳолисининг сўзларига кўра, тўфон Жузжон вилоятидан ўтиб Балхга етиб борган ва вилоят ҳавосини ифлослантирган.
Жузжон вилояти маркази Шабирғон шаҳри аҳолиси эрталаб бошланган бўрон ҳозиргача давом этаётганини хабар қилмоқда. Ҳозирча бўрон етказган зарар ҳақида батафсил маълумот берилмаган.
Айни пайтда чанг бўрони Мозори Шариф шаҳридан Афғонистоннинг шимолий вилоятларига, шунингдек, Ўзбекистоннинг Сурхондарё вилоятига кўчган.
Изоҳ (0)