Афғонистоннинг Бадахшон шаҳри Файзобод марказидаги масжидда портлаш содир бўлди. Бу ҳақда Аамаж News хабар берди.
Ҳодиса аввалги терактда ҳалок бўлган губернатор ўринбосари Нисор Аҳмадийнинг дафн маросими ўтказилаётган “Набавий” масжидида юз берган. Теракт нишони “Толибон”нинг юқори мартабали қўмондонларидан бири ва Бағлон полициясининг собиқ бошлиғи Сафиуллоҳ Самий бўлган. У воқеа жойида олган тан жароҳати оқибатида ҳалок бўлган.
Самий асли тожикистонлик бўлиб, “Толибон” етакчиси Ҳайбатуллоҳ Охундзодага содиқ одамлардан биридир. Терактда жами 13 киши, жумладан Самий ва “Набавий” масжиди имоми қори Эҳсануллоҳ ўлдирилган, 26 киши яраланган.
Эслатиб ўтамиз, 6 июнь куни ҳам Файзобод шаҳрида портлаш содир бўлганди. Вилоятга “Толибон” тайинлаган губернатор ўринбосари Нисор Аҳмадий, унинг ҳайдовчиси ва бир неча аскарлар ҳалок бўлган. Портлаш учун жавобгарликни ҳаракати тақиқланган ИШИД террорчилик ташкилоти ўз зиммасига олган.
Вилоятдаги “Толибон” маъмурияти хабарига кўра, худкуш террорчи ўзини портлатиб юборган. Оқибатда губернатор ўринбосари Нисор Аҳмадий ва яна бир киши ҳалок бўлган, 6 киши эса яраланган.
Изоҳ (0)