Шавкат Мирзиёев амалий ташриф билан Қирғизистонга жўнаб кетди. Бу ҳақда Президент матбуот хизмати хабар берди.
Қайд этилишича, Ўзбекистон президенти 2 июнь куни Чўлпонота шаҳрида “Марказий Осиё — Европа Иттифоқи” иккинчи саммитида иштирок этади.
Саммит доирасида қатор икки томонлама учрашувлар ўтказилиши ҳам режалаштирилган.
Бундай форматдаги биринчи минтақавий учрашув 2022 йил 27-октябрь куни Остона шаҳрида бўлиб ўтган эди. Ўшанда Шавкат Мирзиёев Марказий Осиёдаги сиёсий муҳит ҳақида гапирган, Қозоғистон президенти Қосим-Жўмарт Тўқаев билан учрашув ўтказган, бош вазир ўринбосарлари даражасида “Европа Иттифоқи—Марказий Осиё” иқтисодий ҳамкорлик қўмитасини таъсис этишни таклиф қилган эди.