Shavkat Mirziyoyev “Markaziy Osiyo—Yevropa Ittifoqi” sammiti doirasida Qozog‘iston prezidenti Qosim-Jo‘mart To‘qayev bilan uchrashdi. Bu haqda prezident matbuot xizmati xabar berdi.
Uchrashuvda O‘zbekiston—Qozog‘iston yaxshi qo‘shnichilik, strategik sheriklik va ittifoqchilik munosabatlarini yanada mustahkamlash masalalari ko‘rib chiqildi. Ikki tomonlama hamkorlikning ustuvor yo‘nalishlarida amaliy aloqalarni kengaytirish zarurligi qayd etildi.
Tovar ayirboshlashni ko‘paytirish, sanoat, energetika, transport va logistika, qishloq xo‘jaligi sohalarida, iqtisodiyotning boshqa tarmoqlarida investitsiya loyihalarini amalga oshirish istiqbollariga alohida e’tibor qaratildi.
Mintaqaviy va xalqaro ahamiyatga molik masalalar yuzasidan ham fikr almashildi. 11-noyabr kuni Samarqand shahrida o‘tkaziladigan Turkiy davlatlar tashkiloti sammitining kun tartibi muhokama qilindi.
Mavzuga doir:- “Hal etilishiga hech kim ishonmay qo‘ygan muammolar bir necha yil davomida bartaraf etildi” — Shavkat Mirziyoyev Markaziy Osiyodagi siyosiy muhit haqida
- “Yashil” taraqqiyot, ta’lim, Afg‘onistonga ko‘mak: Shavkat Mirziyoyev Ostona sammitida qator takliflarni ilgari surdi
- Shavkat Mirziyoyev bosh vazir o‘rinbosarlari darajasida “Yevropa Ittifoqi—Markaziy Osiyo” iqtisodiy hamkorlik qo‘mitasini ta’sis etishni taklif qildi
