Табиат ресурслари вазирлиги “Халқаро атроф-муҳит куни”га бағишлаб 4 июнь куни соат 10:00 да махсус экологик ҳаракат — плоггинг ташкил этади.
Плоггинг — бу экологик ҳаракат бўлиб, унда иштирокчилар маълум масофани босиб ўтади ва бир вақтнинг ўзида чиқинди йиғишади. Бу югуришни яхши кўрадиган ва атроф-муҳитга қайғурадиган ҳар бир киши учун махсус ташкил этилган.
Қорақалпоғистонда тўпланган пластмассадан Санфа ёввойи ҳайвонларни суғориш учун геомембрана ишлаб чиқаради. Ушбу материал ёввойи ҳайвонларнинг тоза сув ичишига ёрдам беради. Геомембрана Қорақалпоғистондаги қўриқхоналардан бирига 17 июнь куни нишонланадиган Бутунжаҳон чўлланиш ва қурғоқчиликка қарши курашиш кунига қадар ўрнатилади.
Плоггингда иштирок этиш шартлари:
- “My.prorun.uz” ҳаволасида рўйхатдан ўтиш;
- чиқинди йиғиш пунктига қадар камида 3 километр масофани босиб ўтиш, Страва ёки шунга ўхшаш илова ёрдамида ҳаракатингизни ёзиб олиш;
- йиғилган пластмассани қабул қилиш пунктига топширгандан сўнг, натижани ижтимоий тармоқларда эълон қилиш, ташкилотчилар: @ecogov.uz ва ҳамкорлар: @cocacola_uzbekistan, @prorun.uz, @sqbuz ни белгиланг ҳамда #beatplasticpollution #plastik ифлосланишга қарши кураш хештегларидан фойдаланиш.
Шартларни бажарган барча иштирокчиларга, шунингдек, 3 километрдан кам масофани босиб ўтганларга кепка, шопер ва футболка берилади.
Мусобақада ҳар бир иштирокчи топширган пластмассанинг оғирлиги тарозилар орқали аниқланади. Ғолиблар мутлақ рейтингда жинсга ажратилмайди, бир вақтнинг ўзида топширилган пластмассанинг оғирлиги ва иштирок этиш учун барча шартларни бажарганига қараб аниқланади.
Мутлақ чемпионатда биринчи ўриндан учинчи ўрингача бўлган иштирокчилар 4-бандда кўрсатилган барча шартларга риоя қилган ҳолда ҳамкор СҚБнинг пул сертификатлари билан тақдирланади:
- 1-ўрин – 3 000 000;
- 2-ўрин – 2 000 000;
- 3-ўрин – 1 000 000.
Ғолиблар 4 июнь куни соат 20:30 да плоггинг ташкилотчилари ва ҳамкорларнинг расмий саҳифаларида эълон қилинади. Қабул пункти жойлашган жой: З.М. Бобур номидаги Тошкент марказий экопарки.
Чиқиндиларни қабул қилиш пункти иш вақти: 4 июнь, соат 07:00 дан 20:00 гача. Иштирок этиш бепул.