Бирлашган Араб Амирликлари денгиз хавфсизлиги бўйича АҚШ бошчилигидаги коалиция таркибидан чиқди. Бу ҳақда БАА Ташқи ишлар вазирлиги ўз сайтида маълум қилди.
Қайд этилишича, БАА ташкилотни икки ой аввал, “барча ҳамкорлар билан хавфсизлик соҳасидаги ҳамкорлик самарадорлигини баҳолагандан кейин” тарк этган.
Шунингдек, мамлакат ташқи ишлар вазирлиги халқаро ҳуқуқ нормаларига мувофиқ ўз ҳудудий сувларида навигация хавфсизлигини таъминлашга содиқ қолишини маълум қилди.
34 давлатдан иборат ушбу коалиция Қизил денгиз ва Форс кўрфазида хавфсизликни таъминлаш ҳамда терроризм ва қароқчиликка қарши курашиш учун тузилган. Денгиз кучлари коалициясининг штаб-квартираси Баҳрайнда жойлашган, у ерда АҚШнинг 5-флот штаб-квартираси ҳам бор.
Аввалроқ Эрон Форс кўрфазида иккита танкерни эгаллаб олганди. The Wall Street Journal нашрининг ёзишича, амирликнинг лойиҳадан чиқиш қарорига, АҚШнинг Эрон таҳдидларига етарлича жавоб бермаётгани сабаб бўлган.
Изоҳ (0)