Китоб Калифорниядаги кутубхонага ижарага олинган вақтдан 96 йил ўтиб қайтарилган, деб ёзмоқда “Правила жизни” нашри.
Яқинда америкалик тарихчи Бенсон Лоссингнинг 1881 йилда чоп этилган “Америка Қўшма Штатлари тарихи” китоби Муқаддас Елена жамоат кутубхонасига келтирилган. Маълум бўлишича, ўқувчи ушбу китобни 1927 йилнинг 21 февралида Калифорния кутубхонасига қайтариши керак бўлган.
Китобнинг ичида кутубхонанинг асл варақаси ҳам сақланиб қолган, унга “бу китоб икки ҳафта ичида қайтарилиши керак” ва “китобга етказилган зарар қопланиши зарур” деб ёзилган.
“Америка Қўшма Штатлари тарихи” китобини аниқ ким олиб келгани номаълум, чунки уни олд столда қолдирган инсон кетишдан олдин ўзи ҳақида ҳеч қандай маълумот бермаган. Ҳозир кутубхона ходимлари бу китоб қандай қилиб ўша инсоннинг қўлига тушиб қолганини аниқлаш мақсадида уни қидирмоқда.
Агар кечиктирилган китоб жаримаси ўз ўрнида қолса, эркакдан 1756 доллар тўлаш талаб қилиниши мумкин эди, бироқ жарима 2019 йилда бекор қилинган.
Изоҳ (0)