Францияда дунёдаги биринчи тўлиқ ёғочдан ясалган автомобиль тақдим этилди. Бу 1955 йилда ишлаб чиқарилган Citroen 2CV’га ўхшаш қўлда тайёрланган машина ҳисобланади. Машинани яратишда бир нечта турдаги ёғочдан фойдаланилган, деб ёзмоқда “Korrespondent.net” нашри.
Машина муаллифи дурадгор Мишель Робильярд бўлган. Таъмирлаш ишлари 2011 йилда бошланган ва беш йил давом этган. Ушбу лойиҳага 5 000 соат сарфланган.
Автомобиль 1969 йилда Citroen Dyane шассисида қурилган. У 28 от кучига эга стандарт икки цилиндрли Citroen 2CV двигателига эга.
Кузов нок ва олма, эшик ва багаж қопқоғи гилосдан, қанотлари эса ёнғоқ дарахтидан қилинган. Руль, олд панел ва ўриндиқлар қарағай дарахтидан ясалган, ўриндиқлар мато билан безатилган.
Қизиғи шундаки, машина тўлиқ ишлашга мослаштирилган, рўйхатдан ўтган ва суғурталанган. Машинани ясаган уста ўз ишини 162–216 минг долларга сотишга қарор қилди.
Изоҳ (0)