Бухоро шаҳрида ижтимоий нафақа тайинлатиб беришни ваъда қилган шахс қўлга олинди. Бу ҳақда Бухоро вилояти ИИБ ахборот хизмати хабар берди.
Афросиёб кўчасида яшовчи С.Қ. исмли аёл бошқа бир фуқарони алдаб, унинг ишончига кириб, гўёки ўзининг ваколатли танишлари орқали набирасига ижтимоий нафақа тайинланишда ёрдам бериш эвазига 800 минг сўм талаб қилган.
Қайд этилишича, 19 май куни тахминан соат 08:30 ларда Бухоро вилояти ИИБ ТҚХ ЖҚБ ходимларининг бошқа ҳуқуқ-тартибот органлари ходимлари билан ҳамкорликда ўтказган тезкор тадбири давомида ушбу аёл Вобкент кўчасида жойлашаган 23-сонли мактаб интернати олдида талаб қилинган пулларни олган вақтда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) 1-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
Бундан олдин Қашқадарёда туман ҳокимлиги котиби 3 миллион сўм пора билан қўлга тушгани, Тошкентда фуқароларни дунёнинг турли мамлакатларига ишга юбориш билан алдаб келган фирибгар ушлангани, Фарғонада 200 долларга “права” олиб беришни ваъда қилган автомактаб раҳбари қўлга олингани тўғрисида хабар берилганди.
Изоҳ (0)