Ўзбекистонда қайси давлатларнинг капитали иштирокидаги корхоналар сони кўплиги маълум қилинди

Ўзбекистонда 2023 йил 1 май ҳолатига фаолият кўрсатаётган хорижий капитал иштирокидаги корхона ва ташкилотлар сони 12 989 тани ташкил этган. Бу ҳақда Статистика агентлиги хабар қилди.

Хорижий капитал иштирокида фаолият кўрсатаётган корхоналарни давлатлар кесимида ҳисоблаганда, уларнинг асосий қисмини Россия ташкилотлари ташкил этган. Бундан ташқари, 2 мингга яқин Туркия ва Хитой корхоналари мавжуд.

Хорижий капитал иштирокида энг кўп фаолият кўрсатаётган корхоналарнинг давлатлар кесимида сони:

• Россия – 2 905 та;
• Хитой – 1 807 та;
• Туркия – 1 798 та;
• Қозоғистон – 986 та;
• Жанубий Корея – 712 та;
• АҚШ – 297 та;
• Қирғизистон – 258 та;
• Тожикистон – 253 та.

Ўзбекистонда 2023 йил 1 январь ҳолатига фаолият кўрсатаётган хорижий капитал иштирокидаги корхона ва ташкилотлар сони 15 801 тани ташкил этган. Ундан бир ой олдинги кўрсаткич эса 15 497 тага тенг эди.