АПЛ. “Манчестер Юнайтед” қолдирилган тур ўйинида “Челси”ни йирик ҳисобда мағлуб этди (видео)

Футбол бўйича Англия Премьер Лигасининг қолдирилган 32-турида “Челси” 25 май, пайшанба куни “Манчестер Юнайтед” меҳмони бўлди.

Ўйиннинг еттинчи дақиқасидаёқ “қизил иблислар” футболчиси Каземиро ҳисобни очди. Манкунианларнинг бразилиялик ҳужумчиси Антони жароҳат олиб майдонни тарк этди. Биринчи бўлим сўнгида Антонио Марсял ҳисобни мустаҳкамлади — 2:0.

72-дақиқада Бруну Фернандеш пенальтидан аниқ фойдаланди ва ҳисобни йирик кўринишга келтириб қўйди. Орадан кўп ўтмай “Челси” ҳимоячиси Уэсли Фоффананинг хатосидан кейин Маркус Рэшфорд ҳисобни 4:0 га етказди. 89-дақиқада “аристократлар” ҳужумчиси Жоау Феликс ҳисобни қисқартирди.

Мазкур баҳсдан сўнг “Манчестер Юнайтед”нинг очколари 72 тага етди ва учинчи ўринга кўтарилди. Жамоа кейинги мавсум Чемпионлар Лигасида ўйнаш ҳуқуқини қўлга киритди. “Челси” эса 43 очко билан 12-ўринда бормоқда.

АПЛ

32-тур баҳси

25 май, пайшанба 

“Манчестер Юнайтед” — “Челси” 4:1

Голлар: 1:0 — 6 Каземиро, 2:0 — 45+5 Марсял, 3:0 — 73, пенальти Бруну Фернандеш, 4:0 — 78 Рэшфорд, 4:1 — 89 Феликс.

“Манчестер Юнайтед”: Де Хеа, Уан-Биссака, Варан, Линдельоф, Шоу (Маласиа, 46), Эриксен (Фред, 70), Каземиро, Фернандеш (Мактоминей, 86), Санчо, Антони (Рэшфорд, 29), Марсял (Гарначо, 70).

“Челси”: Аррисабалага, Аспиликуэта, Чалоба, Фофана, Холл, Галлаҳер (Фофана, 82), Фернандес, Чуквуэмека (Лофтус-Чик, 82), Ҳаверц (Жоау Феликс, 64), Мудрик (Пулишич, 64), Мадуэке (Зиёш, 82).

Огоҳлантиришлар: Фернандес (75), Маласиа (75).