Шаҳрам Ғиёсов навбатдаги жангини енгилмас боксчига қарши ўтказади

Профессионал бокснинг ярим ўрта (-66,6 кг) вазн тоифасида ҳаракат қиладиган Шаҳрам Ғиёсов (13-0, 9 КО) навбатдаги жангини АҚШда ўтказади. Бу ҳақда Matchroom Boxing маълум қилди.

17 июнь куни Янги Орлеан шаҳрида бўлиб ўтадиган бокс оқшомида Ўзбекистон вакилига америкалик Ҳаролд Калдерон (27-0, 18 КО) рақиб бўлади.

Ушбу жанг ғолиби WBA чемпионлик камарига мажбурий даъвогарга айланади.

Ғиёсов сўнгги жангини 2022 йилнинг май ойида ўтказиб, 10 раунд давом этган жангда мексикалик Кристиан Гомесни мағлуб этганди.

Калдерон эса охирги марта 2022 йил сентябрида рингга кўтарилган ва 3-раунддаги нокаут эвазига ғалаба қозонган.