Украина президенти Владимир Зеленский Донбассдаги Угледар-Маринка мудофаа чизиғига ташриф буюрди. Зеленскийнинг Telegram каналида айтилишича, у 23 май куни нишонланадиган Украина Қуролли кучлари Ҳарбий-денгиз кучлари денгиз пиёдалари куни билан ҳарбийларни табриклаш учун фронтга борган.
“Украинани ҳимоя қилаётган ҳар бир йигит-қизга шон-шарафлар бўлсин”, — деб ёзган Зеленский ҳарбий хизматчилар билан тушган суратлари остига.
.jpg)
Украина президенти денгиз пиёдаларига мукофотлар топширган. “Энг кучлиларни тақдирладим. Биз энг яхшиларнинг хотирасига ҳурмат бажо келтирдик”, — деди у.
.jpg)
Донецк вилоятидаги Угледар-Маринка линияси фронтнинг энг фаол жанглар кетаётган секторларидан биридир. Россия қўшинлари бир-биридан 30 километрга яқин масофада жойлашган бу икки шаҳарни эгаллашга ҳаракат қилмоқда, бироқ украиналик ҳарбийлар чизиқни муваффақиятли ушлаб турибди.
Изоҳ (0)