Ukraina prezidenti Vladimir Zelenskiy Donbassdagi Ugledar-Marinka mudofaa chizig‘iga tashrif buyurdi. Zelenskiyning Telegram kanalida aytilishicha, u 23-may kuni nishonlanadigan Ukraina Qurolli kuchlari Harbiy-dengiz kuchlari dengiz piyodalari kuni bilan harbiylarni tabriklash uchun frontga borgan.
“Ukrainani himoya qilayotgan har bir yigit-qizga shon-sharaflar bo‘lsin”, — deb yozgan Zelenskiy harbiy xizmatchilar bilan tushgan suratlari ostiga.
.jpg)
Ukraina prezidenti dengiz piyodalariga mukofotlar topshirgan. “Eng kuchlilarni taqdirladim. Biz eng yaxshilarning xotirasiga hurmat bajo keltirdik”, — dedi u.
.jpg)
Donetsk viloyatidagi Ugledar-Marinka liniyasi frontning eng faol janglar ketayotgan sektorlaridan biridir. Rossiya qo‘shinlari bir-biridan 30 kilometrga yaqin masofada joylashgan bu ikki shaharni egallashga harakat qilmoqda, biroq ukrainalik harbiylar chiziqni muvaffaqiyatli ushlab turibdi.
Izoh (0)