Бухоро вилояти Когон туманида бедарак йўқолган 20 ёшли йигит уч ойдан буён қидирилмоқда. Бу ҳақда вилоят ИИБ ахборот хизмати хабар берди.
Унга кўра, Бухоро вилояти ИИБ жиноят қидирув бўлими томонидан Жондор тумани “Далмунобод” маҳалласи Далмун қишлоғида яшаган, 2002 йил 9-октябрда туғилган Самойиддин Ҳусенов қидирилмоқда. У 2023 йил 17 февраль куни эрталаб соат 11:00 лар атрофида Когон туманида жойлашган “Чорминор” ошхонасидан номаълум томонга чиқиб кетиб, бедарак йўқолган.
Алоҳида белгилари: бўйи 170-175 см, буғдойранг, юзи думалоқ, сочлари қора, қошлари қалин, қора рангда.
Эгнида: жигарранг қишки калта куртка, қизил футболка, қора жинси шим, оёғида оқ кроссовка бўлган.
Ушбу шахс ҳақида бирор маълумотга эга бўлганлардан 102 рақамига қўнғироқ қилиш сўралган.
Изоҳ (0)