Тошкент вилояти Бекобод туманида бедарак йўқолган эркак 14 ойдан буён қидирилмоқда. Бу ҳақда вилоят ИИББ ахборот хизмати “Дарё”га маълум қилди.
Маълумотларга кўра, Ғанибек Ибодуллаев 1991 йил 18 июль куни Бекобод туманида туғилган. Туманнинг “Қолғонсир” МФЙ Ёшлик кўчаси 24-уйда оила аъзолари билан яшаган. У 2022 йил 23 март куни яшаш хонадонидан номаълум томонга чиқиб кетиб, шу кунга қадар қайтиб келмаган.
Алоҳида белгилари: бўйи тахминан 170-175 см, ўртача гавдали, буғдойранг, сочи калта оқ оралаган, кўзи, қоши қора рангда. Юрган вақтида сезиларли даражада букилиб юради.
Ушбу шахс тўғрисида бирор-бир маълумотга эга бўлган фуқаролардан 102 қисқа рақамига қўнғироқ қилиш сўралган.
Изоҳ (0)