Самарқанд шаҳридаги 59-сонли “Нурли маскан” кўзи ожизлар мактаби ўқувчисини уриб юбориб, унинг ўлимига сабабчи бўлган автобус ҳайдовчиси қўлга олинган. Бу ҳақда “Дарё”га вилоят ИИБ ахборот хизмати раҳбари Жаҳонгир Сагдуллаев хабар берди.
Таъкидланишича, 2023 йил 13 май куни соат 15:30 ларда Самарқанд шаҳар “Рудакий” маҳалласи ҳудудидан ўтувчи Беруний-Гагарин йўналишидаги автомобиль йўлида Isuzu русумли автобус ҳайдовчиси машинасини бошқариб бораётган вақтида, йўлдан ҳаракатланиб ўтаётган мактаб ўқувчисини уриб юборган. 2004 йилда туғилган пиёда шифокорлар томонидан кўрсатилган тиббий ёрдамларга қарамасдан 2023 йил 15 май куни шифохонада вафот этган.
“Мазкур ҳолат юзасидан Жиноят кодексининг 266-моддаси 2-қисми (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, дастлабки тергов ҳаракатлари олиб борилмоқда”, — дейди Жаҳонгир Сагдуллаев.
Изоҳ (0)