Buxoro viloyati Kogon tumanida bedarak yo‘qolgan 20 yoshli yigit uch oydan buyon qidirilmoqda. Bu haqda viloyat IIB axborot xizmati xabar berdi.
Unga ko‘ra, Buxoro viloyati IIB jinoyat qidiruv bo‘limi tomonidan Jondor tumani “Dalmunobod” mahallasi Dalmun qishlog‘ida yashagan, 2002-yil 9-oktabrda tug‘ilgan Samoyiddin Husenov qidirilmoqda. U 2023-yil 17-fevral kuni ertalab soat 11:00 lar atrofida Kogon tumanida joylashgan “Chorminor” oshxonasidan nomaʼlum tomonga chiqib ketib, bedarak yo‘qolgan.
Alohida belgilari: bo‘yi 170-175 sm, bug‘doyrang, yuzi dumaloq, sochlari qora, qoshlari qalin, qora rangda.
Egnida: jigarrang qishki kalta kurtka, qizil futbolka, qora jinsi shim, oyog‘ida oq krossovka bo‘lgan.
Ushbu shaxs haqida biror maʼlumotga ega bo‘lganlardan 102 raqamiga qo‘ng‘iroq qilish so‘ralgan.
Izoh (0)