Энергиянинг йўқлиги, ўриндан туришни хоҳламаслик, доимий уйқучанлик — буларнинг барчаси катта шаҳарнинг тиғиз ритми ва чексиз стресснинг оқибатлари. Marie Claire нашрида эълон қилинган материал орқали доимий чарчоқ билан қандай курашиш йўлларини билиб оласиз.
Кофедан воз кечинг
Қаҳва сарфланган энергияни қайтаради, уйқучанликни йўқотади ва натижада самарадорликни оширади, деган онгимизда мустаҳкам ўрнашган афсона қисман тўғри. Ҳа, ҳақиқатан ҳам кофеин мияни фаоллаштиришга ёрдам беради, лекин узоқ вақт эмас. Кундалик меъёрдан ошиб кетиш умумий ҳолатни оғирлаштиради. Нега? Бу жуда оддий: кофеин организмдан намликни тезда чиқариб юборади ва сувсизланиш билганингиздек чарчоққа олиб келади. Гап шундаки, организмда керакли миқдорда сув бўлмаса, босим кескин пасаяди, қон айланиши секинлашади, яъни организм зарур бўлганидан анча кам кислород олади.
Газаклар ҳақида унутманг
Кучли чарчоқ ва организмда умумий заифликнинг биринчи аломатларида ўзингиз учун енгил тетиклантирувчи газак тайёрланг. Бироқ меню масаласига масъулият билан ёндашиш керак. Сиз умуман ширин ёки ёғли нарса истеъмол қилмаслигингиз керак, аксинча, энергия пайдо бўлишига ҳисса қўшадиган банан ёки цитрус меваларини диетангизга қўшинг. Бунда барра кўкатлар ва помидор қўшилган салат ейиш мақсадга мувофиқ. Чунки помидорда аминокислоталарнинг юқори миқдори ҳар қандай энергетик ичимликдан яхшироқдир.
Албатта, нонушта қилинг
Нонушта куннинг деярли энг муҳим таоми ҳисобланиши ажабланарли эмас. Нонушта организмни керакли соатлар давомида энергия билан таъминлашга ёрдам беради. Сиз учун энг яхши вариант бўтқа ва бир бўлак буғдой нондир. Уларнинг организмга сеҳрли таъсири иккала маҳсулотда ҳам кўп миқдордаги клетчаткага боғлиқ. Бундан ташқари, бўтқага йогурт, пишлоқ ёки бир нечта апелсин қўшишингиз мумкин — цитрус мевалари ажойиб танлов. Қолаверса, бундай тўйимли, энг муҳими, соғлом нонушта нафақат мияни, балки қоматни ҳам яхши ҳолатда сақлашга ёрдам беради.
Тушлик ҳақида унутманг
Кўпинча ишга кўмилиб кетганда кундалик овқатланишни унутамиз, кераксиз бўлиб туюладиган жараённи кечқурунга қолдирамиз, лекин аслида тушлик иш кунининг қолган қисмида сизнинг қувватли ҳолатингизни кафолатлайди.
Офис ҳавосини алмаштиринг
Масъулиятли вазифаларни бажариш чоғида тоза ҳаво сурункали чарчоққа қарши курашда энг зарур омиллардан биридир. Гап шундаки, чарчоқнинг асосий сабабларидан бири гипоксия ёки оддийроқ айтганда, кислород етишмаслигидир. Совуқ ҳавода ҳам дераза ёки оянларни очишга ҳаракат қилинг, хона ҳавосини алмаштириб туриш одат тусига кирсин. Агар шамоллаб қолишдан қўрқсангиз, ижобий таъсир учун икки ёки уч дақиқа кифоя қилади, чунки бу қисқа вақт ичида ҳам офисингизда ҳаво янгиланади.
Ишни режалаштиринг
Ишдан уйга қайтганингиздан сўнг дарҳол уй юмушларини бажаришга шошилманг, ўзингизга дам олишга вақт беринг. Ярим тундан олдин ётинг — бу вақтда танангиз тун давомида тўлиқ дам олиш ва кучга эга бўлади.
Кунингизни ижобий ҳис-туйғулар билан тўлдиринг
Уйқуга ётишдан олдин кейинги кун учун сизни хурсанд қиладиган бирон-бир фаолият билан шуғулланинг. Стилистга навбатга ёзилинг ёки янги кўйлак учун дўкон айланишни режалаштиринг. Психологларнинг фикрича, ёқимли воқеани кутиш эрталаб ўриндан туришни осонлаштиради.
Изоҳ (0)