Озиқ-овқатлар қувват беради, деб ишонилади. Лекин ҳар доим ҳам бундай эмас. Баъзи маҳсулотлар фақат қисқа муддатли таъсир кўрсатади, сўнг узоқ вақт чарчоқ ва уйқучанлик туйғусини келтириб чиқаради.
Сули ёрмаси (овсянка)
Ҳа, ҳа, энг фойдали нонуштадан бири ҳақиқатан ҳам чарчоққа олиб келиши мумкин. Гап шундаки, сули ёрмаси кучли ва соғлом уйқуга ҳисса қўшадиган триптофанга бой. Эрталаб бир пиёла ёрма истеъмол қилсангиз, тушдан кейин ухлашни хоҳлаб қоласиз.
Банан
Ушбу машҳур мева (гарчи ботаник жиҳатдан банан резавор бўлса ҳам) калийга бой бўлиб, у организмда мелатонин ишлаб чиқариш учун жавоб беради. Шунингдек, асаб тизимини тинчлантирадиган гамма-аминобутирик кислота (GАBА) рецепторлари билан боғланади. Шу тариқа эрталабдан ейилган бир-иккита банан кечқурунги чарчоқ ва уйқучанликка олиб келади.
Олхўри
Олхўри B6 витаминининг манбаи бўлиб, у мелатониннинг биосинтезини кучайтиради. Шу боис бу қуритилган мевани истеъмол қилгандан сўнг уйқу тортиши табиий ҳол.
Киви
Киви C витамини ва уйқу пайтида танани тинчлантирадиган каротиноидларга бой. Агар кун давомида ухлашни режалаштирмаган бўлсангиз, кечгача кўп миқдорда киви емасликка ҳаракат қилинг.
Ёғли балиқ
Лосос балиғи, мидия, тунец ва бошқа ёғли денгиз маҳсулотлари D витамини ва омега-3 ёғ кислоталарига бой бўлиб, улар организмга серотонин ишлаб чиқаришни тартибга солишга ёрдам беради. Seroтонин эса уйқу ва уйғониш циклида асосий рол ўйнайди. Шундай қилиб, кечки овқатда балиққа тўйгандан сўнг чарчаганингизни ҳис қиласиз.
Курка гўшти
Курка гўшти парҳезбоп ҳисобланади. Шу билан бирга, унинг таркибида юқорида баён қилинган триптофан мавжуд. Шу боис ҳатто шундай соғлом таом ҳам энергиянинг пасайишига олиб келиши мумкин.
Бодом
Бодом таркибида жуда кўп миқдорда магний мавжуд бўлиб, у ҳам чуқур уйқу учун жавобгардир. Бодомни ҳаддан ташқари кўп истеъмол қилишдан кейинги таъсири бунга мос келади. Бундан ташқари, бу мева бой калорияга (100 грамм учун тахминан 600 ккал) эга, шунинг учун ҳар бир нарсада бўлгани каби бунда ҳам меъёрни унутмаслик лозим.
Қайта ишланган углеводлар
Қайта ишланган тез ҳазм бўлувчи углеводлар (ширинликлар, оқ гуруч, макарон, нон) нафақат вазн ортишига олиб келиши, балки том маънода энергияни сўриши мумкин. Гап шундаки, улар қондаги қанд миқдорини тезда оширади (шунинг учун қисқа муддатли куч) ва бу инсулин даражасининг пасайиши билан бирга келади. Бу эса чарчоқ ҳисси пайдо бўлишига олиб келади.
Мавзуга доир:
Изоҳ (0)