Бир стакан кефир узоқ вақтлардан бери соғлом турмуш тарзининг ажралмас қисми сифатида талқин қилинади. У уйқуга ётишдан олдин оромгоҳлардаги болаларга ва санаторийларда дам олаётганларга берилган. Бугуннинг замонавий эндокринологлари ферментланган сутли ичимликнинг фойдалари ҳақидаги “чўпчак”ни рад этмоқда. Бунинг сабаби нимада эканини Marie Claire нашрида эълон қилинган материал орқали билиб олиш мумкин.
Кечаси ичилган кефирнинг соғлиққа қандай зарари бор?
Маълум бўлишича, “зарарсиз” ферментланган сут маҳсулоти инсулин индексининг энг юқори қийматларидан бирига эга. Шунингдек, инсулин ва қондаги қанднинг кескин кўтарилишлари интенсивлигини кўрсатади. Инсулин гормони қондаги глюкозанинг хавфсиз ишлашини таъминлайди. Агар у кескин организмга кўп миқдорда тушса, бошқача қилиб айтганда, инсулин сакрайди ва тезда глюкоза билан бирикади, ёғни сарфлашга масъул бўлган ферментларни блоклайди. Бу эса ортиқча ёғнинг тўпланишига олиб келади. Шу билан бирга ортиқча вазн тўпланади чунки организм ёғ захираларини интенсив равишда сақлаб қолади.
Кечқурун инсулин фаоллиги аллақачон авжига чиққан вақтда ичилган бир стакан кефир бу гормоннинг ишлаб чиқарилишини янада оширади. Юқорида баён этилганидек инсулин глюкоза билан кимёвий равишда бирикади ва унинг қондаги даражасини пасайтиради. Ўз навбатида бунга жавобан жигар бу етишмовчиликни кўриб, уни интенсив равишда ишлаб чиқаришни бошлайди. Шу тариқа эрталаб организмда глюкоза миқдори кўтарилган ҳолда уйғонасиз. Кефирни мунтазам равишда истеъмол қилиш орқали углевод алмашинуви қайта-қайта бузилади, бу эса охир-оқибат предиабетга олиб келиши мумкин.
Кечаси қатиқ ичиш қоматга ҳам зарарми?
Нордон таъмли “кечки тамадди”нинг яна бир ён таъсири — қорин бўшлиғида ёғ қатламининг ҳосил бўлишидир. Гап шундаки, кефирда лактоза мавжуд бўлиб, у нафақат инсулиннинг ишлаб чиқарилишига таъсир қилади, балки ферментацияни ҳам келтириб чиқаради. Буларнинг барчаси виссерал ёғнинг захирага айланишига ёрдам беради — унинг фарқи шуки, виссерал ёғ қорин бўшлиғи органлари орасида тўпланади. Бу ҳам эстетик жиҳатдан хунук кўринади, ҳам соғлиққа салбий таъсир кўрсатади, яъни диабетнинг ривожланишига ҳисса қўшади ва қон босимини оширади.
Изоҳ (0)