Россия ва Украина тинчлик ташаббуси бўйича Африка етакчиларининг миссиясини қабул қилишга келишиб олди. Бу ҳақда Жанубий Африка республикаси президенти Сирил Рамафосага таяниб, Reuters хабар берди.
Рамафоса Африка давлатлари номидан бу масалани Россия президенти Владимир Путин ва Украина раҳбари Владимир Зеленский билан муҳокама қилганини айтди.
“Мен бу ташаббусни Замбия, Сенегал, Конго, Уганда, Миср ва ЖАР номидан тақдим этдим. Мен гаплашиш имконига эга бўлган ҳар икки президент ҳам Африка давлатлари раҳбарларининг Москва ва Киевдаги миссиясини қабул қилишга тайёр эканликларига келишиб олди”, — деди у.
ЖАР президентининг таъкидлашича, у икки давлат раҳбарлари билан Африка етакчилари билан ушбу масала бўйича ўзаро ҳамкорликка тайёргарлик кўришни бошлашга келишиб олган. Бирлашган Миллатлар Ташкилоти бош котиби Антониу Гутерриш, Африка Иттифоқи офиси, АҚШ, Британия ва Европа Иттифоқи ташаббус ҳақида аллақачон хабардор қилинган.
Рамафосанинг таъкидлашича, баъзи африкалик етакчилар минтақа Украинадаги конфликтни ҳал қилишга ҳисса қўшадиган ташаббус кўрсатиши зарур.
Изоҳ (0)