Жанубий Африка республикаси (ЖАР) мамлакат президенти Сирил Рамафосанинг сўзларидан фарқли ўлароқ, Халқаро жиноят судидан (ХЖС) чиқиш ниятида эмас. Бу ҳақда ЖАР президентининг идорасига таяниб, AFP хабар берди.
Президент идораси Рамафосанинг ХЖСдан чиқиш ҳақидаги аввалги баёнотини нотўғри деб атади ва Жанубий Африка судининг юрисдикциясини қабул қилишдан бош тортмаслигига ишонтирди. Идорадагиларнинг қўшимча қилишича, Рамафоса ҳукмрон партия позициясини янглиш тарзда маъқуллаган.
Гап Жанубий Африка президентининг 25 апрель куни журналистлар учун брифингда берган баёноти ҳақида кетмоқда. Унда Рамафоса ҳукмрон Африка миллик конгресси партияси мамлакатнинг ХЖС юрисдикциясидан чиқишини оқилона деб ҳисоблаши ҳақида айтганди. Унга кўра, “ХЖС айрим давлатларга нисбатан адолатсиз муносабатда бўлмоқда”.
Ундан аввал, дам олиш кунларида партия миллий ижроия кенгашининг йиғилиши бўлиб ўтган ва унда ХЖС юрисдикциясидан чиқиш масаласи муҳокама қилинган. “Халқаро жиноий суд ҳамманинг манфаатига эмас, балки озчиликнинг манфаатларига хизмат қилмоқда”, — деган ўшанда АМК бош котиби Фикила Мбалула.
Путинни ҳибсга олиш ордери
17 март куни Гаагадаги Халқаро жиноий суд Россия президенти Владимир Путинни ҳибсга олишга ордер берди. У Украинанинг босиб олинган ҳудудларидан болаларни Россияга ноқонуний депортация қилишда гумон қилинмоқда. Худди шундай ордер Болалар омбудсманı Мария Львова-Беловага нисбатан ҳам чиқарилган.
2023 йил августда ЖАРда БРИКС саммити бўлиб ўтади, унга Владимир Путин таклиф қилинган. Шу муносабат билан мамлакат расмийлари Россия билан маслаҳатлашувлар ўтказишга ваъда берган, чунки Халқаро жиноий суд юрисдикциясини тан олган ҳар қандай давлат унинг қарорларини бажариши, жумладан, ҳибсга олиш учун ордер берилган шахсларни Гаагага экстрадиция қилиши керак.
Изоҳ (0)