“Меҳридарё” лойиҳасига тошкентлик Дилдора Эгамбердиева мурожаат қилиб, ўзи ва фарзандининг соғлигини тиклаш учун халқдан ёрдам сўрамоқда.
— Турмуш ўртоғим билан 5 йилдан буён бирга яшамайман. Оилада жиддий низоли вазиятлар сабаб муносабатларимизга дарз кетган. Бунга учинчи фарзандимнинг ногирон туғилгани ҳам сабаб бўлган. Ота-онамнинг уйида яшаб ДЦП касаллиги билан туғилган фарзандимни даволатишга ҳаракат қилдим. Уч йиллик тинимсиз муолажалардан сўнг қизимнинг қўл ва оёқ ҳаракатлари анча ижобий томонга ўзгарди. Ҳозир қўлидан тутсам юролади. 2018 йилда тинимсиз стресслар ва ҳомиладорлигимда йиқилиб гемотома бўлганлигим сабаб тутқаноқ касаллигига чалиндим. Ўзимни билмай, хушумдан кетиб қоламан. Энди эса қонимдаги қанд миқдори тушиб, аҳволим янада оғирлашяпти.
Қизим доимий кўмакка муҳтож, бир ўпкаси яхши ривожланмаган. Баъзан ҳаво етмай ҳушидан кетиб қолади. Турмуш ўртоғим болаларимга алимент тўламайди, уй-жой ўзиники бўлмагани учун бизга улуш ҳам ажратиб бермади. Мени ва икки қизимни эндигина 12 ёшга тўлган Муҳаммадсолиҳ исмли ўғлим боқяпти. У кўчада бодроқ ва музқаймоқ сотиб, рўзғорлик қилиб келяпти.
Яхши инсонлар ортирилган эпилепсия касаллигини даволаш ёки хуружларини камайтириш имкони бор. Аммо даволанишга менда имкон йўқ. Уч фарзандим учун соғайиб кетишим керак.
Илтимос, оиламга қўлингиздан келганча кўмак беринглар, — дейди бемор Дилдора Эгамбердиева.
Дилдора Эгамбердиевага хайрия қилишни истасангиз,
8600 0610 8986 1180
Эгамбердиева Дилдорахон
Мурожаат учун телефон: +998-770-001-84-23
Изоҳ (0)