“Меҳридарё” лойиҳасига тошкентлик Гулфира Абдураҳмонова мурожаат қилиб, буйрак етишмовчилигидан азият чекаётган турмуш ўртоғини даволатиш учун халқдан ёрдам сўрамоқда.
— Турмуш ўртоғим ҳеч қачон соғлиғидан шикоят қилмасди. У “Автомактаб”да ўқитувчи бўлиб ишларди. Декабрь ойида бирдан тоби қочиб, қон босими ошиб кетди. Тиббий текширувлар буйрак соҳасида жиддий касаллик борлиги ва улар ишлашдан тўхтаганини кўрсатди. Ҳозирги кунда унга буйрак етишмовчилигининг 5-даражада касалланиши ташҳиси қўйилган. Иситмаси бир неча кун тушмай, юролмай қолганидан кейин диализ муолажасини бошладик. Аммо бу ҳам тананинг бир томонига фойда бўлса, бошқа аъзоларга зарар экан. Хусусан, қора талоқ ва жигар соҳаларини ишдан чиқарар экан. Турмуш ўртоғим ҳали жуда ёш, бунинг устига қўлимда чақалоғим бўлгани учун ҳеч қаерда ишламайман. Беш ой давомида бор-будимизни сарфлаб, даволатдик. Аммо шифокорлар вақтинча таъсир этадиган дори-дармондан кўра, буйрак кўчириб ўтиш анча самарали эканлигини айтишяпти. Афсуски, оила-аъзоларимизнинг қон гуруҳи тўғри келмагани учун жарроҳлик амалиётини хорижда ўтказишимиз керак экан. Чунки Ўзбекистонда бегона инсоннинг донор бўлишига йўл қўйилмас экан. Хусусан, Туркияда буйрак кўчириб ўтказиш амалиёти ва донор ҳаражатлари камида 20 минг АҚШ доллари бўлишини айтишди. Яхши инсонлар учта норасида фарзандим бахтига турмуш ўртоғим соғайиб кетиши керак. Қўлингиздан келганча ёрдам беринглар, умримнинг сўнггига қадар дуо қиламан, — дейди беморнинг турмуш ўртоғи Гулфира Абдураҳмонова.
Абдураҳмонов Фазлиддинга хайрия қилишни истасангиз,
8600 0609 8765 6916
Абдурахманова Гулфира
Мурожаат учун телефон: +998 99) 831-28-28
Изоҳ (0)