“Меҳридарё” лойиҳасига навоийлик Нигора Очилова мурожаат қилиб, оғир шароитда яшаётгани ва саломатлигини тиклашга моддий имконияти йўқлигини маълум қилди. У фарзандининг ёлғиз боқувчиси, шу боис соғлиғини тиклаш учун халқдан ёрдам сўради.
— 1993 йилда Навоий шаҳрида туғилганман. Ўгай она қўлида қийинчиликда улғайганман. Турмушга чиқдим, аммо у ҳомилам уч ойлигида Россияга ишлагани кетиб, қайтиб келмади. Ҳатто, ўғлимнинг исм-фамилясини ҳам бергани йўқ. Болам билан бирга ҳокимият томонидан берилган бир хоналик ётоқхонада яшаймиз. Беш яшар фарзандимни боқиш учун боклажка териб тирикчилик қилиб юрардим. Аммо бирдан оғриб қолдим. Текширтирсам Гепатит B хасталигига чалинганимни айтишди. Даволанишга имконим бўлмади ва касаллик янада зўрайиб кетди. Шифокорларнинг айтишича, ҳозир даволанмасам жигар сиррозига айланиш эҳтимоли жуда юқори экан.
Маҳалладан ҳеч қандай ёрдам беришмайди. Ногиронлик нафақасига чиқаман десам, унинг учун аввалига касалхонада ўз ҳисобимдан даволанишим керак экан. Кундан кунга аҳволим ёмонлашяпти. Оёқларим шишиб, юролмай қоляпман. Илтимос, менга ёрдам беринглар соғайиб, ўғлимни ўзим катта қилай. Ўзим етимликда катта бўлдим, ўғлимга ҳам шу тақдирни раво кўрмайман, — дейди навоийлик Нигора Очилова.
Нигора Очиловага хайрия қилишни истасангиз,
8600 0604 5436 0182
9860 0401 1361 9098
Нигора Очилова
Мурожаат учун: 90) 731 75 20
Изоҳ (0)