Қашқадарё вилояти Қарши шаҳридаги 18-сонли кўзи ожиз болалар мактаб-интернати ўқувчисини машина уриб юборгани ҳақида хабар берилган эди. Вилоят ИИБ ахборот хизмати ҳолат юзасидан маълумот берди.
Хабарга кўра, ҳолат 27 апрель куни соат 20:30 лар атрофида Қарши шаҳар Бунёдкорлар кўчасида жойлашган Қашқадарё вилояти 18-сонли кўриш бўйича имконияти чекланган болалар учун ихтисослаштирилган давлат таълим муассасаси рўпарасида содир бўлган. Ҳайдовчи А.А. ўзининг бошқарувида бўлган Nexia билан ҳаракатланиб келиб, йўлнинг белгиланмаган жойидан кесиб ўтаётган фуқаро Н.Ж.ни уриб юборган ва йўл-транспорт ҳодисаси содир қилган.
Натижада фуқаро тан жарохати олиб республика шошилинч тез тиббий ёрдам илмий маркази Қашқадарё филиалига мурожаат қилган.
Ҳозирда ушбу ҳолат юзасидан Қарши шаҳар ИИО ФМБ ЖХХ ЙҲХБ ходимлари томонидан дастлабки суриштирув ҳаракатлари олиб борилмоқда.
Изоҳ (0)