Qashqadaryo viloyati Qarshi shahridagi 18-sonli ko‘zi ojiz bolalar maktab-internati o‘quvchisini mashina urib yuborgani haqida xabar berilgan edi. Viloyat IIB axborot xizmati holat yuzasidan maʼlumot berdi.
Xabarga ko‘ra, holat 27-aprel kuni soat 20:30 lar atrofida Qarshi shahar Bunyodkorlar ko‘chasida joylashgan Qashqadaryo viloyati 18-sonli ko‘rish bo‘yicha imkoniyati cheklangan bolalar uchun ixtisoslashtirilgan davlat taʼlim muassasasi ro‘parasida sodir bo‘lgan. Haydovchi A.A. o‘zining boshqaruvida bo‘lgan Nexia bilan harakatlanib kelib, yo‘lning belgilanmagan joyidan kesib o‘tayotgan fuqaro N.J.ni urib yuborgan va yo‘l-transport hodisasi sodir qilgan.
Natijada fuqaro tan jaroxati olib respublika shoshilinch tez tibbiy yordam ilmiy markazi Qashqadaryo filialiga murojaat qilgan.
Hozirda ushbu holat yuzasidan Qarshi shahar IIO FMB JXX YHXB xodimlari tomonidan dastlabki surishtiruv harakatlari olib borilmoqda.
Izoh (0)