Хоразм вилояти Урганч шаҳридаги мактабларнинг бирида ота-оналардан ноқонуний пул йиғилаётгани рад этилди. Бу ҳақда вилоят Мактабгача ва мактаб таълими бошқармаси матбуот хизмати хабар берди.
Хабарга кўра, 5—6 май куни ижтимоий тармоқларда Урганч шаҳридаги умумий ўрта таълим мактабларининг айримларида ота-оналардан мактабни ремонт қилиш, кузатув камераси ўрнатиш ва бошқа баҳоналар билан ноқонуний пул йиғиш ҳолати содир бўлаётгани ҳақида хабар тарқалган. Мазкур ҳолат Хоразм вилояти мактабгача ва мактаб таълими бошқармаси ишчи гуруҳи томонидан ўрганилди.
Урганч шаҳар 3-сонли, 15-сонли ва 28-сонли умумий ўрта таълим мактаби битирувчиларидан олинган аноним сўровнома натижаларига кўра, ушбу мактабларда ноқонуний пул йиғими содир бўлаётгани ҳақидаги хабарлар ўз тасдиғини топмади.
Изоҳ (0)