“Давлатнинг ёшлар олдида мажбурият олаётгани — жуда катта тарихий воқеа” — Ёшлар иттифоқи марказий кенгаши раиси 

Ўзбекистон ёшлар иттифоқи марказий кенгаши раиси вазифасини бажарувчи Темурбек Поёнов янгиланган Конституция юзасидан ўз фикрларини билдирди. 

Унинг сўзларига кўра, янгиланган Конституция ёзилишида, бевосита, унинг таклифларини ҳам, қабул қилиш жараёнида ҳам асосий куч — Ўзбекистон халқининг ўзи бўлди. 

“Ҳурматли президентимиз ўзларининг маърузаларида ёшлар сиёсатини янада янги босқичга олиб чиқиш бўйича алоҳида тўхталиб ўтдилар. Мени қувонтирган нарса, янгиланган Конституцияда бевосита ёшларга оид бобнинг киритилиши ва уларга оид нормаларни икки бараварга кўпайтирилиши бўлди. 

Яна бир нарса, давлатнинг ёшлар олдида мажбурият олаётгани жуда катта тарихий воқеа десам муболаға бўлмайди”, — дейди Темурбек Поёнов.