Тошкент мезбонлигида ўтаётган бокс бўйича 2023 йилги Жаҳон чемпионатининг 8-кунги баҳслари 8 май, душанба куни бўлиб ўтмоқда.
-60 кг вазн тоифасида Мужибилло Турсунов марокашлик Муҳаммад Ҳамудга қарши жанг қилди ва 5:0 ҳисобида ғалаба қозонди. Турсунов кейинги босқичда россиялик Всеволод Шумковга қарши рингга чиқади.
Мужибилло бундан аввал ҳиндистонлик Сингҳ Вариндер ва гамбиялик Мерри Кор устидан ғалаба қозонганди.
-86 кг вазн тоифасида Ўзбекистон шарафини ҳимоя қилаётган Шоҳжаҳон Абдуллаев Сагиндик Тагамбайга (Қозоғистон) билан кейинги босқич йўлланмаси учун кураш олиб борди. Биринчи раундни Шоҳжаҳон ўз фойдасига ҳал қилди. Иккинчи раундда ҳам ҳакамлар ўзбекистонлик боксчининг устунлигини эътироф этди. Учинчи раунддан сўнг эса Шоҳжаҳон умумий 5:0 ҳисобида рақибидан устун келди ва кейинги босқичга йўл олди.
Бундан аввалги босқичда Абдуллаев Қирғизистон вакили Эркин Адилбек Уулуни мағлуб этганди.
8 май кунги жангларда Ойбек Жўраев (-54 кг) ва Лазизбек Муллажонов (-92 кг) ўз жангларини ўтказиб, кейинги босқич йўлланмасини қўлга киритди. Кечки дастурда эса Шодиёр Мелиқўзиев (-48) рақибига имкониятни бой бериб қўйди.
Изоҳ (0)