Дубайнинг “Шабоб ал-Аҳли” клуби БАА чемпионатининг 25-турида “Бани-Яс”ни мағлуб этди.
Учрашувнинг 61-дақиқасида майдон эгалари ҳисобни очди. Орадан кўп ўтмай дубайликлар Азиз Ғаниевнинг голидан кейин мувозанатни тиклади. Уч дақиқа ўтиб Яҳё ал-Ғассоний “Шабоб”га ғалаба келтирган гол муаллифига айланди.
Шу тариқа “Шабоб ал-Аҳли” чемпионат тугашига бир тур қолганда чемпионлик масаласини ҳал қилди. Дубай клуби иккинчи ўриндаги “Ал-Айн”ни уч очкога ортда қолдирмоқда ва ўзаро ўйинлардаги устунлик эвазига муддатидан аввал чемпионликни ҳал қилди.
Ўзбекистонлик ярим ҳимоячи Азиз Ғаниев жорий мавсум лига доирасида 25 та ўйин ўтказиб, 3 та гол ва 4 та голли узатмага муаллиф бўлди.
Уч йилдан бери БАА клуби сафини ҳимоя қилаётган Ғаниев жамоаси билан илк бор мамлакат чемпионлигини қўлга киритди. Бунга қадар у “Шабоб” билан БАА президенти кубоги, Лига кубоги ва мамлакат Суперкубогида ғолиб чиққанди.
25-турдан кейин БАА Про-Лигаси мусобақа жадвали қуйидаги кўринишни олди:
Изоҳ (0)