Тошкент шаҳри Чилонзор туманидаги болалар боғчасида 4 нафар қизчага тегажоғлик қилингани ҳақида хабар берилганди. Пойтахт Ички ишлар бош бошқармаси ҳолат юзасидан муносабат билдирди.
Маълум қилинишича, 2 май куни 4 нафар фуқаро ариза билан мурожаат қилиб, уларнинг фарзандлари (6 ёшли қизлар) ухлаб ётган вақтида вояга етмаган 2008 йилда туғилган Х.Ш. болалар танасининг турли қисмларини қўли билан ушлаб, уятсиз бузуқ ҳаракатлар содир қилганини маълум қилган.
Мазкур ҳолат юзасидан Жиноят кодексининг 25-моддаси орқали 119-моддаси билан жиноят иши қўзғатилган, тергов давом этмоқда. Жиноят иши доирасида барча ҳолатлар батафсил ўрганилиб, зарурий тергов ҳаракатлари ўтказилиши ва натижаси бўйича қонуний қарор қабул қилиниши таъминланади.
Бундан ташқари, Мактабгача таълим агентлиги томонидан ушбу ҳолат зудлик билан назоратга олинган. Ўз ўрнида туман ички ишлар органлари томонидан ҳолат бўйича судга оид тиббиёт ва психологик экспертизалари тайинланиб, суриштирув ишлари олиб борилаётгани, туман прокуратураси алоҳида назоратга олгани ҳамда текширув натижаси юзасидан қўшимча ахборот тақдим этилиши маълум қилинган.
Изоҳ (0)