Қашқадарё вилояти прокуратураси Қарши тумани ҳудудида ёниб кетган “Жигули” ичидан инсон жасади топилгани айтилган хабарлар юзасидан маълумот берди.
Ижтимоий тармоқларда Қарши тумани ҳудудидан оқиб ўтувчи қисмида канал четидаги йўлнинг олдида “Ваз-2106” русумли автомашина ёниб кетганини, автомашина ичидаги ҳайдовчи ўриндиғида инсон жасади борлигини ҳақидаги хабарлар тарқалди.
Мазкур ҳолат юзасидан Қарши туман прокуратураси томонидан Жиноят кодексининг 103-моддаси (ўзини ўзи ўлдириш даражасига етказиш) 1-қисми билан жиноят иши қўзғатилиб, тергов ҳаракатлари олиб борилмоқда.
Марҳумнинг ўлими сабабларини аниқлаш бўйича тегишли экспертизалар тайинланган. Жиноят иши тергови вилоят прокуратураси томонидан алоҳида назоратга олинган.
Куни кеча Қашқадарё вилоятида содир бўлган иккита йўл-транспорт ҳодисаси оқибатида 6 киши ҳалок бўлгани тўғрисида хабар берилганди.
Изоҳ (0)