Ўзбекистонда эркак педагоглар сони ошди

Ўзбекистон мактабларида таълим бераётган эркак педагоглар сони сўнгги 5 йилда қарийб 28 минг нафарга ошди.

Статистика агентлиги маълумотларига кўра, 2022/2023-ўқув йилида республика бўйича умумтаълим муассасаларида таълим бераётган педагоглар сони (ўриндошларсиз) 521,6 минг нафарни ташкил этган. Шундан 159,9 минг нафарини ёки жами педагогларнинг 30,7 фоизини эркак педагоглар ташкил этган.

2022/2023-ўқув йилида 2018/2019-ўқув йилига нисбатан эркак педагоглар сони 27,8 минг нафарга ёки 21,0 фоизга кўпайган. Самарқанд ва Қашқадарё вилоятларида мактабларда таълим бераётган эркак педагоглар сони кўп.

Ҳудудлар кесимида умумтаълим муассасаларида таълим бераётган эркак педагоглар сони қуйидагича:

• Қорақалпоғистон Республикаси — 9,9 минг нафар;
• Андижон вилояти — 10,4 минг нафар;
• Бухоро вилояти — 7 минг нафар;
• Жиззах вилояти — 11 минг нафар;
• Қашқадарё вилояти — 22,9 минг нафар;
• Навоий вилояти — 5,3 минг нафар;
• Наманган вилояти — 11 минг нафар;
• Самарқанд вилояти — 23,1 минг нафар;
• Сурхондарё вилояти — 19,7 минг нафар;
• Сирдарё вилояти — 4,8 минг нафар;
• Тошкент вилояти — 9,8 минг нафар;
• Фарғона вилояти — 13,3 минг нафар;
• Хоразм вилояти — 7,9 минг нафар;
• Тошкент шаҳри — 3,8 минг нафар.