Ўзбекистонда тадбиркорлар ҳисоб рақамидаги пулни ноқонуний олиб қўйганлик учун жавобгарлик белгиланаётгани ҳақида хабар қилинган эди. Сенат 3 май куни бўлиб ўтган ялпи мажлисда ушбу ўзгариш кўзда тутилган қонунни маъқуллади.
Ўзбекистонда тадбиркорлар ҳисоб рақамидаги пулни ноқонуний олиб қўйганлик учун жавобгарлик белгиланаётгани ҳақида хабар қилинган эди. Сенат 3 май куни бўлиб ўтган ялпи мажлисда ушбу ўзгариш кўзда тутилган қонунни маъқуллади.
Япли мажлисда бугунги кунда тадбиркорлик субъектларининг банк ҳисобварақларидан пул маблағларини ноқонуний ўтказиш ёки олиб қўйиш, шунингдек ортиқча ундирилган пул маблағларини ўз вақтида қайтармаслик ҳоллари мавжуд бўлиб, амалдаги қонун ҳужжатларида бундай ҳоллар учун жавобгарлик чоралари аниқ белгиланмагани қайд этилди. Шу каби омиллар инобатга олинган ҳолда “Ўзбекистон Республикасининг айрим қонун ҳужжатларига тадбиркорларнинг банк ҳисобварақларидаги пул маблағлари дахлсизлигини таъминлашга қаратилган қўшимча ва ўзгартишлар киритиш тўғрисида”ги қонун кўриб чиқилди.
Мазкур қонун билан тадбиркорлик субъектларининг банк ҳисобварақларидан пул маблағларини уларнинг розилигисиз қонунга хилоф равишда ўтказганлик ёки олиб қўйганлик ёхуд ортиқча ундирилган маблағларни ўз вақтида қайтармаганлик учун маъмурий ва жиноий жавобгарлик чоралари белгиланмоқда.
Хусусан, қонунда Маъмурий жавобгарлик тўғрисидаги кодексга қўшимча модда киритилиб, банк ҳисобварақларидаги пул маблағларини тадбиркорлик субъектларининг розилигисиз қонунга хилоф равишда ўтказиш ёки олиб қўйиш ёхуд ортиқча ундирилган пулни ўз вақтида қайтармаслик ҳолати бўйича айбдорга БМҲнинг 20 бараваридан 40 бараваригача миқдорда жарима солиниши қайд этилмоқда.
Шунингдек, тадбиркорларнинг пул маблағларини қонунга хилоф равишда ўтказиш ёки олиб қўйиш ёхуд уларни ўз вақтида қайтармаслик юзасидан Жиноят кодексига қўшимча модда киритилиб, унга кўра мазкур ҳолатлар маъмурий жазо қўлланилгандан кейин ҳам содир этиладиган бўлса, содир этилган жиноятнинг тоифасига қараб БҲМнинг 200 бараваридан 600 бараваригача жарима ёки 7 йилгача озодликдан маҳрум қилиш жазоси белгиланмоқда.
Хабарда айтилишича, қонуннинг қабул қилиниши тадбиркорлик субъектларининг қонуний манфаатларини ҳимоя қилишнинг ҳуқуқий чораларини кучайтиришга ва уларнинг мулкий ҳуқуқлари дахлсизлигини ҳимоя қилиш самарадорлигини оширишга хизмат қилади.
“Бугунги кунда мамлакатимизда 530 мингга яқин тадбиркорлик субъектлари фаолият олиб бормоқда. Агар уларда меҳнат қилаётганлар сони инобатга олинса, қонунчиликдаги мазкур янгиликлар миллионлаб кишиларнинг манфаатларига бевосита ва билвосита дахлдор эканлигини тушуниш қийин эмас. Мазкур ўзгартиришлар, жавобгарликнинг кучайтирилиши биринчи галда солиқ органлари, банклар ҳамда ҳуқуқни муҳофаза қилувчи органларга катта масъулият ва жавобгарлик юклайди”, — деб таъкидлаган мажлисда Сенат раиси Танзила Норбоева.
Қонун сенаторлар томонидан маъқулланди.
Изоҳ (0)