O‘zbekistonda tadbirkorlar hisob raqamidagi pulni noqonuniy olib qo‘yganlik uchun javobgarlik belgilanayotgani haqida xabar qilingan edi. Senat 3-may kuni bo‘lib o‘tgan yalpi majlisda ushbu o‘zgarish ko‘zda tutilgan qonunni ma’qulladi.
O‘zbekistonda tadbirkorlar hisob raqamidagi pulni noqonuniy olib qo‘yganlik uchun javobgarlik belgilanayotgani haqida xabar qilingan edi. Senat 3-may kuni bo‘lib o‘tgan yalpi majlisda ushbu o‘zgarish ko‘zda tutilgan qonunni ma’qulladi.
Yapli majlisda bugungi kunda tadbirkorlik subyektlarining bank hisobvaraqlaridan pul mablag‘larini noqonuniy o‘tkazish yoki olib qo‘yish, shuningdek ortiqcha undirilgan pul mablag‘larini o‘z vaqtida qaytarmaslik hollari mavjud bo‘lib, amaldagi qonun hujjatlarida bunday hollar uchun javobgarlik choralari aniq belgilanmagani qayd etildi. Shu kabi omillar inobatga olingan holda “O‘zbekiston Respublikasining ayrim qonun hujjatlariga tadbirkorlarning bank hisobvaraqlaridagi pul mablag‘lari daxlsizligini ta’minlashga qaratilgan qo‘shimcha va o‘zgartishlar kiritish to‘g‘risida”gi qonun ko‘rib chiqildi.
Mazkur qonun bilan tadbirkorlik sub’yektlarining bank hisobvaraqlaridan pul mablag‘larini ularning roziligisiz qonunga xilof ravishda o‘tkazganlik yoki olib qo‘yganlik yoxud ortiqcha undirilgan mablag‘larni o‘z vaqtida qaytarmaganlik uchun ma’muriy va jinoiy javobgarlik choralari belgilanmoqda.
Xususan, qonunda Ma’muriy javobgarlik to‘g‘risidagi kodeksga qo‘shimcha modda kiritilib, bank hisobvaraqlaridagi pul mablag‘larini tadbirkorlik subyektlarining roziligisiz qonunga xilof ravishda o‘tkazish yoki olib qo‘yish yoxud ortiqcha undirilgan pulni o‘z vaqtida qaytarmaslik holati bo‘yicha aybdorga BMHning 20 baravaridan 40 baravarigacha miqdorda jarima solinishi qayd etilmoqda.
Shuningdek, tadbirkorlarning pul mablag‘larini qonunga xilof ravishda o‘tkazish yoki olib qo‘yish yoxud ularni o‘z vaqtida qaytarmaslik yuzasidan Jinoyat kodeksiga qo‘shimcha modda kiritilib, unga ko‘ra mazkur holatlar ma’muriy jazo qo‘llanilgandan keyin ham sodir etiladigan bo‘lsa, sodir etilgan jinoyatning toifasiga qarab BHMning 200 baravaridan 600 baravarigacha jarima yoki 7 yilgacha ozodlikdan mahrum qilish jazosi belgilanmoqda.
Xabarda aytilishicha, qonunning qabul qilinishi tadbirkorlik subyektlarining qonuniy manfaatlarini himoya qilishning huquqiy choralarini kuchaytirishga va ularning mulkiy huquqlari daxlsizligini himoya qilish samaradorligini oshirishga xizmat qiladi.
“Bugungi kunda mamlakatimizda 530 mingga yaqin tadbirkorlik subyektlari faoliyat olib bormoqda. Agar ularda mehnat qilayotganlar soni inobatga olinsa, qonunchilikdagi mazkur yangiliklar millionlab kishilarning manfaatlariga bevosita va bilvosita daxldor ekanligini tushunish qiyin emas. Mazkur o‘zgartirishlar, javobgarlikning kuchaytirilishi birinchi galda soliq organlari, banklar hamda huquqni muhofaza qiluvchi organlarga katta mas’uliyat va javobgarlik yuklaydi”, — deb ta’kidlagan majlisda Senat raisi Tanzila Norboyeva.
Qonun senatorlar tomonidan ma’qullandi.
Izoh (0)