Тошкент шаҳрининг Яшнобод туманида содир бўлган йўл-транспорт ҳодисасида Cobalt автомобили ёниб кетди. Бу ҳақда пойтахт ИИББ ЙҲХБ ахборот хизмати хабар берди.
Маълум қилинишича, 2 май куни соат 02:00 ларда Яшнобод тумани Тохир Малик кўчасида 19 ёшли А.Х. Cobalt русумли автомашинасини бошқариб келаётиб руль бошқарувини йўқотган ва ағдарилиб кетган. Натижада Cobalt автоуловида ёнғин келиб чиққан.
ЙТҲ оқибатида автомашина ҳайдовчиси тан жароҳатлари билан шифохонага ётқизилган.
Ҳолат юзасидан Тошкент шаҳар ИИББ ЙҲХ ҳамда ҳудудий Фавқулодда вазиятлар бўлими масъул ходимлари томонидан суриштирув ҳаракатлари олиб борилмоқда.
Йўл-транспорт ҳодисалари
Тошкент шаҳри Юнусобод туманида 27 апрель куни 12 та машина иштирокида йўл-транспорт ҳодисаси содир бўлганди. Ундан олдинроқ эса Сирдарё вилояти Оқолтин туманида 5 та автомобиль иштирокида ЙТҲ юз берган.
Шунингдек, Марҳамат туманида ишдан ташқари вақт — кечаси 21:00 дан кейин ишга чақирилган ободонлаштириш ходими йўлда ЙТҲgа учраб, вафот этгани хабар қилинганди. Чилонзор туманида содир бўлган йўл-транспорт ҳодисаси оқибатида эса Spark автомобили ағдарилиб кетган.
Изоҳ (0)