Toshkent shahrining Chilonzor tumanida sodir bo‘lgan yo‘l-transport hodisasi oqibatida Spark avtomobili ag‘darilib ketdi. Bu haqda poytaxt IIBB YHXB axborot xizmati xabar berdi.
Qayd etilishicha, 30-aprel kuni soat 23:00 larda Chilonzor tumani Muqimiy—Bog‘iston ko‘chalari kesishgan chorrahada 23 yoshli X.Sh. boshqaruvida bo‘lgan Spark rusumli avtomashina hamda 24 yoshli D.A. boshqaruvida bo‘lgan Nexia ishtirokida yo‘l transport hodisasi sodir bo‘lgan.
YTH natijasida tan jarohat olganlar yo‘q.
Shu kunning o‘zida soat 21:30 larda Yunusobod tumani THAY ko‘chasida Lacetti va ikkita Matiz avtomashinalari ishtirokida yo‘l-transport hodisasi yuz berdi. YTH oqibatida ikki kishi tan jarohati olgan.
.jpg)
Holatlar yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Yo‘l-transport hodisalari
Toshkent shahri Yunusobod tumanida 27-aprel kuni 12 ta mashina ishtirokida yo‘l-transport hodisasi sodir bo‘lgandi. Undan oldinroq esa Sirdaryo viloyati Oqoltin tumanida 5 ta avtomobil ishtirokida YTH yuz bergan.
Shuningdek, Marhamat tumanida ishdan tashqari vaqt — kechasi 21:00 dan keyin ishga chaqirilgan obodonlashtirish xodimi yo‘lda YTHga uchrab, vafot etgani xabar qilingandi.
Izoh (0)