Қирғизистондаги энг йирик “Аю” спиртли ичимликлар заводи миллийлаштирилади. Бу ҳақда Қирғизистон президенти Садир Жапаров маълум қилди.
Жапаровнинг сўзларига кўра, “Аю”нинг ёпилишига корхона томонидан олиб борилган контрабанда ва солиқ имтиёзлари тўланмагани сабаб бўлган. Компания, шунингдек, 2 йилдан ортиқ вақт давомида акциз маркаларини қалбакилаштирган. Разведка ходимлари томонидан 12 минг сохта акцизлар аниқланиб, 275 тонна ноқонуний олиб кирилган алкоголли ичимликлар мусодара қилинган. Унинг умумий қиймати 40 миллион сомдан (тахминан 460 минг доллар) ошган.
“Аю” фирмасига Қирғизистоннинг энг бой тадбиркорларидан бири – Шаршенбек Абдикеримов раҳбарлик қилади.
Аввалроқ, 2020 йилда Қирғизистон Миллий хавфсизлик давлат қўмитасининг тергов хизмати солиқларни тўламаганлик ва бошқа ҳуқуқбузарликлар бўйича аллақачон жиноий иш қўзғатганди. Холдинг офислари ва заводларида тинтув ўтказилиб, ҳужжатлар олиб қўйилган.
Изоҳ (0)