Туркия президенти Ражаб Тоййиб Эрдўғон мамлакат разведка хизмати ИШИД террорчилик ташкилоти етакчиси Абу Ҳусайн ал-Қурайшийни ўлдирганини маълум қилди. Туркия етакчиси бу ҳақда давлат телевидениесига берган интервьюсида айтиб ўтган.
Унинг сўзларига кўра, жиҳодчини йўқ қилиш бўйича операция Сурияда 29 апрель куни ўтказилган, турк разведкаси Қурайшийни узоқ вақтдан бери кузатиб келган. Америка администрацияси ҳозирга қадар Туркия президентининг сўзларини тасдиқлагани йўқ.
“Биз буни тасдиқлай олмаймиз. Бундан ташқари, ушбу сўзларни исботловчи маълумотимиз ҳам йўқ”, — деган администрациянинг аноним манбаси.
Anadolu агентлиги 1 май куни тушдан кейин ўзининг ижтимоий тармоқлардаги саҳифасига “террорчи” ўлдирилгани айтилган уйдан эксклюзив фото ва видеоларни эълон қилган. Бироқ кадрларда уйдан бошқа нарсани кўришнинг имкони йўқ.
📌Anadolu has secured exclusive access to the house in northern Syria where Daesh/ISIS leader Abu Hussein al-Qurayshi was eliminated by Turkish forces.
— Anadolu English (@anadoluagency) May 1, 2023
📌The terrorist, who was heading the group since last November, was taken out in a 4-hour operation by Türkiye's MIT intel… pic.twitter.com/52Tj4xNkrJ
Reuters агентлигининг Суриядаги манбаларига кўра, операция Сурия шимолидаги Жандариш шаҳри яқинида, Туркия чегараси ёнида амалга оширилган.
Қурайший ИШИД террорчилик гуруҳи етакчиси этиб тайинлангани тўғрисида 2022 йил охирларида маълум бўлганди. 2023 йилнинг февралида Америка махсус кучлари ИШИДнинг собиқ етакчиси Абу Иброҳим ал-Ҳошимий ал-Қурайший яширилган жойни аниқлашга муваффақ бўлганди. Отишмадан кейин у портловчи қурилмани ишга тушириб юбориб, оила аъзолари билан ҳалок бўлган. Ўшанда АҚШ президенти Жо Байден мазкур операция вақтида “дунё учун жиддий террорчилик хавфи бартараф этилганини” айтганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан “террорчилик ташкилоти” деб топилган.
Изоҳ (0)