Россия қўшинларининг Донбассда Бахмут ҳудудидаги ҳужуми “тўхтаб қолди ва муваффақиятсизликка учради”. Бу ҳақда Вашингтонда ўтказилган брифингда АҚШ Миллий хавфсизлик кенгашининг стратегик алоқалар бўйича координатори Жон Кирби маълум қилди.
Унинг сўзларига кўра, охирги беш ой ичида Россия кучларининг Бахмутни ўзидаги йўқотишлари 100 минг кишини ташкил этмоқда — 20 мингдан ортиқ киши ҳалок бўлган, уларнинг ярми “Вагнер” жангчилари.
Жон Кирби Украинанинг йўқотишларини баҳоламаслигини қайд этган, чунки “улар бу ерда — қурбон, Россия — босқинчи”. Унинг айтишича, Оқ уй армияси АҚШ бошчилигидаги давлатлар коалицияси томонидан қуроллантирилаётган ва тайёргарликдан ўтказилаётган яқин иттифоқдошининг вазифаларини мураккаблаштириши мумкин бўлган маълумотларни тарқатмайди.
Украина расмийлари Кремль Бахмутни тўлиқ босиб олиш учун 9 май санасини танлагани тўғрисида хабар берилганди. Россия президенти Владимир Путин шундан сўнг “ғалаба нотаси”ни эълон қилиши мумкин.
Апрель охирларида Украина “Озодлик кучлари” батальони қўмондони Михаил Крижановский Россия қамоқхонадаги маҳбусларни Украинадаги урушга жўнатаётганини айтганди. Улар орасида аёллар ҳам бор. Маълум қилинишича, маҳбус аёлларнинг бари Евгений Пригожин томонидан бошқариладиган “Вагнер” сафида жанг қилмоқда. Бахмут шаҳрида Украина қуролли кучлари ва рус босқинчилари ўртасида шиддатли жанглар кечмоқда. Қарши томон шаҳарни, шунингдек, унинг атрофини тўлиқ эгаллашга уринмоқда. Маҳкум эркаклардан ташқари жанг майдонида судланган аёллар ҳам бор.
Изоҳ (0)