Тошкент шаҳрининг Чилонзор туманида содир бўлган йўл-транспорт ҳодисаси оқибатида Spark автомобили ағдарилиб кетди. Бу ҳақда пойтахт ИИББ ЙҲХБ ахборот хизмати хабар берди.
Қайд этилишича, 30 апрель куни соат 23:00 ларда Чилонзор тумани Муқимий—Боғистон кўчалари кесишган чорраҳада 23 ёшли Х.Ш. бошқарувида бўлган Spark русумли автомашина ҳамда 24 ёшли Д.А. бошқарувида бўлган Nexia иштирокида йўл транспорт ҳодисаси содир бўлган.
ЙТҲ натижасида тан жароҳат олганлар йўқ.
Шу куннинг ўзида соат 21:30 ларда Юнусобод тумани ТҲАЙ кўчасида Lacetti ва иккита Matiz автомашиналари иштирокида йўл-транспорт ҳодисаси юз берди. ЙТҲ оқибатида икки киши тан жароҳати олган.
.jpg)
Ҳолатлар юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Йўл-транспорт ҳодисалари
Тошкент шаҳри Юнусобод туманида 27 апрель куни 12 та машина иштирокида йўл-транспорт ҳодисаси содир бўлганди. Ундан олдинроқ эса Сирдарё вилояти Оқолтин туманида 5 та автомобиль иштирокида ЙТҲ юз берган.
Шунингдек, Марҳамат туманида ишдан ташқари вақт — кечаси 21:00 дан кейин ишга чақирилган ободонлаштириш ходими йўлда ЙТҲга учраб, вафот этгани хабар қилинганди.
Изоҳ (0)