Фарғона вилояти Қўқон шаҳрида масжидда ўғрилик қилган эркакка жиноят иши қўзғатилди. Бу ҳақда вилоят ИИБ ахборот хизмати хабар берди.
Хабарга кўра, фуқаро Х.С. ИИБга мурожаат қилган. У ўз мурожаатида 10 февраль куни номаълум шахс Янги Чорсу кўчасида жойлашган жоме масжидининг таҳоратхонасида қаровсиз қолдирган курткаси чўнтагида бўлган нархи 1 миллион 300 минг сўмлик телефонни ўғирлаб, ҳодиса жойидан яширинганини маълум қилган.
Мазкур ҳолат юзасидан Қўқон шаҳар ИИБ ҳузуридаги тергов бўлими томонидан жиноят кодексининг 169-моддаси 1-қисми (ўғрилик) билан жиноят иши қўзғатилган.
Олиб борилган тезкор-суриштирув ишлари давомида, ушбу жиноятни А.С. содир этгани аниқланиб, тергов ҳаракатлари олиб борилмоқда.
Изоҳ (0)